Ֆրանչիսկոս Պապ արտօնեց հրապարակել` Երանելի Մայր Թերեզայի սրբադասման հրամանագիրը

(Ռատիօ Վատիկան)  Ուրբաթ, 17 դեկտեմբերի յետմիջօրէին, Ֆրանչիսկոս Սրբազան Քահանայապետ, Վատիկանի մէջ ընդունեց Սուրբերու դատի ժողովի կառավարիչ` կարդինալ Անգճելօ Ամաթոն, անոր շնորհելով արտօնութիւնվ հրապարակելու Սուրբերու դատի ժողովին հայող՝ Երանելի Մայր Թերեզայի սրբադասման հրամանագիրն ու երեք Աստուծոյ ծառաներու մարտիրոսական առաքինութիւնները։

Մայր Թերեզա կը նկատուի  աշխարհի ամենահեղինակաւոր  կիներէն: Անոր  կեանքն ու գործունէութիւնը  մեծ  հետք ձգած են   մարդկութեան պատմութեան վրայ: «Արմատներով եւ արիւնով ալպանացի եմ:  Քաղաքացիութեամբ՝ հնդիկ:  Կաթողիկէ  միանձնուհի եմ:  Կոչումով՝ համայն աշխարհին կը պատկանիմ: Սրտով կը  պատկանիմ Յիսուսի սրտին»: 

Մայր Թերեզայի հիմնած միաբանութիւնը կը գործէ աւելի քան  120  երկրիներու մէջ, ներառեալ  Հայաստանը` ուր միաբանութիւնը հաստատուեցաւ 1988-ի Մեծ երկրաշարժէն ետք։ 

Մայր Թերեզան ծնած է 26 օգոստոս 1910-ի եւ հոգին աւանդած է 5 սեպտեմբեր 1997-ին։